ஐக்கிய அரபு அமீரகத்தின் ஷா எரிவாயு வயல் மீது ட்ரோன் தாக்குதல்!

ஐக்கிய அரபு அமீரகத்தின் (UAE) மிக முக்கியமான எரிசக்தி மையங்களில் ஒன்றான ஷா எரிவாயு வயல் (Shah Gas Field) மீது நடத்தப்பட்ட ட்ரோன் தாக்குதலைத் தொடர்ந்து, அங்குள்ள அனைத்துச் செயல்பாடுகளும் தற்காலிகமாக நிறுத்தப்பட்டுள்ளன.

அபுதாபிக்கு தென்மேற்கே அமைந்துள்ள இந்த பிரம்மாண்டமானத் தொழிற்சாலை, நாட்டின் ஒட்டுமொத்த எரிவாயு தேவையில் சுமார் 20 சதவீதத்தைப் பூர்த்தி செய்யும் திறன் கொண்டது. ஈரான் மற்றும் இஸ்ரேல் இடையேயான போர்ச் சூழல் தீவிரமடைந்து வரும் நிலையில், இந்தத் தாக்குதல் வளைகுடா நாடுகளின் எரிசக்தி பாதுகாப்பிற்குப் பெரும் சவாலாக மாறியுள்ளது.

இதன் காரணமாக உலகச் சந்தையில் கச்சா எண்ணெய் மற்றும் எரிவாயு விலைகள் கணிசமாக உயரக்கூடும் என அஞ்சப்படுகிறது. தற்போது சேதங்களை மதிப்பிடும் பணிகள் நடைபெற்று வருவதால், மீண்டும் எப்போது செயல்பாடுகள் தொடங்கும் என்பது குறித்த அதிகாரப்பூர்வத் தகவல்கள் இன்னும் வெளியாகவில்லை.