பள்ளி மாணவர்களுக்கு நீச்சல் பயிற்சியுடன் தற்காப்பு மற்றும் உயிர் காக்கும் திறன்கள் கற்பிப்பு!

தூத்துக்குடியில் உள்ள தமிழ்நாடு விளையாட்டு மேம்பாட்டு ஆணையத்தின் (SDAT) சார்பில் பள்ளி மாணவர்களுக்கான கோடைகால நீச்சல் பயிற்சி முகாம் உற்சாகமாகத் தொடங்கி நடைபெற்று வருகிறது. இந்த முகாமில் சுமார் 300-க்கும் மேற்பட்ட மாணவ, மாணவிகள் ஆர்வத்துடன் பங்கேற்றுள்ள நிலையில், அவர்களுக்கு அடிப்படை நீச்சல் பயிற்சிகளுடன் தற்காப்பு மற்றும் உயிர் காக்கும் திறன்களும் (Life-saving skills) கற்றுத்தரப்படுகின்றன.

நீரில் மூழ்கும் அபாயத்திலிருந்து தங்களை எப்படிக் காத்துக் கொள்வது மற்றும் பிறரை எப்படிக் காப்பாற்றுவது போன்ற பயிற்சிகள் நிபுணத்துவம் பெற்ற பயிற்சியாளர்கள் மூலம் வழங்கப்படுகின்றன.

கோடை விடுமுறையைப் பயனுள்ள முறையில் கழிப்பதுடன், பேரிடர் காலங்களில் உதவும் வகையிலான இத்தகைய பயிற்சிகள் மாணவர்களிடையே பெரும் வரவேற்பைப் பெற்றுள்ளன.