இந்திய மகளிர் அணிக்கு எதிரான 3 வது ஒருநாள் போட்டி – ஆஸ்திரேலியா பேட்டிங் தேர்வு
இந்தியாவுக்கு வந்துள்ள ஆஸ்திரேலிய பெண்கள் கிரிக்கெட் அணி 3 போட்டிகள் கொண்ட ஒரு நாள் தொடரில் பங்கேற்றுள்ளது. முதல் இரு ஆட்டங்களில் ஆஸ்திரேலியா வெற்றி பெற்று தொடரை 2-0 என்ற கணக்கில் கைப்பற்றி விட்டது.
இந்த நிலையில் இவ்விரு அணிகள் இடையிலான 3-வது மற்றும் கடைசி ஒரு நாள் போட்டி மும்பை வான்கடே ஸ்டேடியத்தில் இன்று தொடங்கியது. இதில் டாஸ் வென்ற ஆஸ்திரேலிய பெண்கள் அணி பேட்டிங்கை தேர்வு செய்தது.
இந்திய அணி சொந்த மண்ணில் ஆஸ்திரேலியாவை வீழ்த்தி 16 ஆண்டுகள் ஆகிறது. அந்த நீண்ட கால சோகத்துக்கு இந்த ஆட்டத்திலாவது இந்தியா முடிவு கட்டுமா? என்று ரசிகர்கள் ஆவல் கொண்டுள்ளனர்.
