ஈரான் போர் நீடித்தால் ஆசிய நாடுகள் பாதிக்கும் – ஐக்கிய நாடுகளின் உலக உணவுத் திட்டம் எச்சரிக்கை

ஐக்கிய நாடுகளின் உலக உணவுத் திட்டம் (WFP) வெளியிட்டுள்ள எச்சரிக்கையின்படி, ஈரானில் நடைபெற்று வரும் போர் ஜூன் மாதம் வரை நீடித்தால் மற்றும் கச்சா எண்ணெய் விலை ஒரு பேரலுக்கு 100 டாலருக்கும் அதிகமாகத் தொடர்ந்தால், 2026-ஆம் ஆண்டில் மட்டும் கூடுதலாக 4.5 கோடி (45 million) மக்கள் கடுமையான பசி மற்றும் உணவுப் பாதுகாப்பின்மையை எதிர்கொள்ள நேரிடும்.

வளைகுடா பிராந்தியத்தில் நிலவும் இந்த மோதலால் எரிபொருள் விலை உயர்வதுடன், விவசாயத்திற்குத் தேவையான உர விநியோகமும் பாதிக்கப்பட்டு உலகளாவிய உணவுப் பொருட்களின் விலை விண்ணைத் தொடும் அபாயம் ஏற்பட்டுள்ளது. ஏற்கனவே சுமார் 32 கோடி மக்கள் உணவு நெருக்கடியில் உள்ள நிலையில், இந்தப் புதிய உயர்வு உலகளாவிய பசிப் பிணியை இதுவரை இல்லாத அளவிலான வரலாற்று உச்சத்திற்குக் கொண்டு செல்லும் என்றும், இது குறிப்பாக இறக்குமதியைச் சார்ந்திருக்கும் ஆப்பிரிக்க மற்றும் ஆசிய நாடுகளைக் கடுமையாகப் பாதிக்கும் என்றும் ஐநா கவலை தெரிவித்துள்ளது.