கந்த சஷ்டித் திருவிழாவின் 4ம் நாள் – திருச்செந்தூர் முருகன் கோவிலில் சிறப்பு பூஜைகள்
முருகப்பெருமானின் அறுபடை வீடுகளில் இரண்டாம் படை வீடான திருச்செந்தூர் அருள்மிகு சுப்பிரமணிய சுவாமி திருக்கோயிலில் கந்த சஷ்டித் திருவிழாவின் நான்காம் நாளான இன்று (நவம்பர் 13, 2026) அதிகாலை முதலே கோயில் நடை திறக்கப்பட்டு விஸ்வரூப தரிசனம் மற்றும் உதயமார்த்தாண்ட அபிஷேகம் உள்ளிட்ட சிறப்புப் பூஜைகள் வெகு விமரிசையாக நடைபெற்றன.
விழாவின் முக்கிய நிகழ்வாக, சஷ்டிநாயகரான ஸ்ரீஜெயந்திநாதர், ஸ்ரீவள்ளி மற்றும் ஸ்ரீதேவசேனா அம்பாள்களுடன் யாகசாலையில் எழுந்தருள, அங்கு சுவாமிக்கும் அம்பாள்களுக்கும் பால், தயிர், பன்னீர், சந்தனம், விபூதி உள்ளிட்ட பல்வேறு திரவியங்களால் சிறப்பு அபிஷேகம் செய்யப்பட்டு, வண்ண மலர்களாலும் ஆபரணங்களாலும் அலங்கரிக்கப்பட்டு மகா தீபாராதனை காட்டப்பட்டது.
அதனைத் தொடர்ந்து, பக்தர்களின் ‘அரோகரா’ கோஷம் விண்ணை முட்ட, தங்கச்சப்பரத்தில் எழுந்தருளிய ஸ்ரீஜெயந்திநாதர் வள்ளி-தெய்வானையுடன் திருவீதி உலா வந்து பக்தர்களுக்குக் கண்கொள்ளாக் காட்சியளித்தார்.
