பதவிக்காக தமிழக உரிமைகளை விட்டுக்கொடுக்கும் எடப்பாடி பழனிசாமி – உதயநிதி ஸ்டாலின் தாக்கு

தேனி தேர்தல் பிரச்சாரத்தில் பேசிய அமைச்சர் உதயநிதி ஸ்டாலின், தொகுதி மறுவரையறையால் தமிழகத்திற்கு எந்தப் பாதிப்பும் ஏற்படாது என அதிமுக பொதுச்செயலாளர் எடப்பாடி பழனிச்சாமி கூறி வருவதைக் கடுமையாக விமர்சித்தார்.

ஒருவேளை தொகுதி மறுவரையறைக்கு எதிராகப் பேசினால், பாஜகவிடமிருந்து தமக்கு நெருக்கடி ஏற்படும் என்று பயப்படுவதாலேயே எடப்பாடி பழனிச்சாமி உண்மையை மறைத்து இவ்வாறு பேசி வருவதாகவும், தனது பதவியைக் காப்பாற்றிக்கொள்ளவே அவர் தமிழகத்தின் உரிமைகளை விட்டுக்கொடுக்கத் தயாராக இருப்பதாகவும் உதயநிதி ஸ்டாலின் சாடினார்.