கல்லூரி மாணவர் அடித்துக் கொலை செய்யப்பட்ட சம்பவம் – சட்டசபையில் எதிர்க்கட்சி தலைவர் உதயநிதி ஸ்டாலின் காரசார விவாதம்

கோவையில் கல்லூரி மாணவர் அமுதன் அடித்துக் கொலை செய்யப்பட்ட சம்பவம் குறித்துத் தமிழ்நாடு சட்டசபையில் எதிர்க்கட்சிகள் சார்பில் கவன ஈர்ப்பு தீர்மானம் கொண்டுவரப்பட்டு காரசார விவாதம் நடைபெற்றது.

எதிர்க்கட்சித் தலைவர் உதயநிதி ஸ்டாலின் பேசுகையில், கள்ளக்குறிச்சியைச் சேர்ந்த கல்லூரி மாணவர் அமுதன் 20 பேர் கொண்ட கும்பலால் கொடூரமாக அடித்துக் கொல்லப்பட்டிருப்பது கோஷ்டி மோதல் அல்ல என்றும், போதைப்பொருள் கும்பல் குறித்துத் தகவல் தெரிவித்ததால் தான் இக்கொலை அரங்கேறியுள்ளது என்றும் குற்றஞ்சாட்டினார்.

மேலும் சென்னை திருவொற்றியூரில் பள்ளி மாணவர் கொலை, 30 பேர் கொண்ட கும்பலால் மாணவர் தனுஷ் அடித்துக் கொல்லப்பட்டது, காஞ்சிபுரத்தில் போதை கும்பலைத் தட்டிக்கேட்டதால் 2 இளைஞர்கள் வெட்டிக்கொல்லப்பட்டது எனத் தமிழகத்தில் கடந்த ஒரே வாரத்தில் சட்டம்-ஒழுங்கு சீர்குலைந்து ஏராளமான கொலைகள் நடந்துள்ளதாக அவர் சட்டமன்றத்தில் சுட்டிக்காட்டினார்.

இத்தீர்மானத்தின் மீது அ.தி.மு.க சார்பில் காமராஜர் உள்ளிட்ட பல எதிர்க்கட்சி உறுப்பினர்களும் பங்கேற்றுத் தங்கள் காரசாரமான கருத்துகளைப் பதிவிட்டனர்.